ఏపీ పోలీసులకు అరుదైన గౌరవం

ఆంధ్రప్రదేశ్ పోలీసు శాఖకు భారత ప్రభుత్వ విదేశాంగ మంత్రిత్వ శాఖ నుంచి "సర్టిఫికెట్ ఆఫ్ రికగ్నైజేషన్" లభించింది. రాష్ట్ర ప్రజల పాస్‌పోర్ట్ దరఖాస్తులను వేగంగా, సమర్థవంతంగా వెరిఫై చేసినందుకు ఈ అవార్డును అందించారు. ఢిల్లీలో జరిగిన 13వ పాస్‌పోర్ట్ సేవా దినోత్సవంలో ఈ పురస్కారాన్ని ప్రదానం చేశారు. ఏపీ పోలీసులు కేవలం 3 రోజుల్లో 6.25 లక్షల పోలీస్ వెరిఫికేషన్ రిపోర్టులు పూర్తి చేసి రికార్డు సృష్టించారు. ఈ వేడుకలో ఏపీకి మొత్తం మూడు విభాగాల్లో అవార్డులు దక్కాయి: పోలీసు విభాగం అవార్డు గుంటూరు పోస్టాఫీస్ పాస్‌పోర్ట్ సేవా కేంద్రం.. విజయవాడ ప్రాంతీయ పాస్‌పోర్ట్ అధికారి. రెండోసారి AP పోలీసులకు ఈ గుర్తింపు లభించింది; గతంలో 2018-19లో కూడా ఈ అవార్డు వచ్చింది. డీజీపీ హరీష్ కుమార్ గుప్తా మాట్లాడుతూ, ముఖ్యమంత్రి నారా చంద్రబాబు నాయుడు విజన్‌కు ఇది నిదర్శనమన్నారు. ఇంటెలిజెన్స్ ఎస్పీ ఎ. రమాదేవి విదేశాంగ శాఖ సహాయ మంత్రి పబిత్ర మార్గరీట చేతుల మీదుగా అవార్డును అందుకున్నారు.