మిస్ వరల్డ్ ఫైనల్స్.. అదరహో!

హైదరాబాద్లో జరుగుతున్న మిస్ వరల్డ్ పోటీలు అదరహో అనిపిస్తున్నాయి. 120 దేశాల్లో లైవ్.. సహా సీఎం, మంత్రులు, ప్రముఖుల హాజరుతో హోరెత్తుతున్నాయి. హైదరాబాద్‌లో జరుగుతున్న మిస్ వరల్డ్ 2025 పోటీలు ప్రపంచవ్యాప్తంగా అందరి దృష్టినీ ఆకర్షిస్తున్నాయి. ఈ 72వ మిస్ వరల్డ్ ఫైనల్స్ మే 31న హైటెక్స్ ఎగ్జిబిషన్ సెంటర్‌లో జరగనున్నాయి. సాయంత్రం 5:30 గంటలకు రెడ్ కార్పెట్ ఈవెంట్‌తో ఈ ఫైనల్స్ ప్రారంభమవుతాయి. రాత్రి 9.30 గంటలకు ముగుస్తాయి. అప్పుడే నెక్ట్స్ మిస్ వరల్డ్‌కి కిరీటధారణ కార్యక్రమం జరుగుతుంది. ఈ కార్యక్రమం సోనీ టీవీ 120 దేశాల్లో ప్రత్యక్ష ప్రసారం చేస్తుంది. ముఖ్యమంత్రి రేవంత్ రెడ్డి, మంత్రులు, పారిశ్రామికవేత్తలు, బాలీవుడ్, టాలీవుడ్ సెలబ్రిటీలు సహా 3,500 మంది ప్రేక్షకులు ఈ గ్రాండ్ ఈవెంట్‌కు హాజరవుతారని అంచనా. తెలంగాణ సంస్కృతి, ఆతిథ్యం, ఆధునికతను ప్రదర్శించే ఈ కార్యక్రమం, రాష్ట్రాన్ని ప్రపంచ పర్యాటక కేంద్రంగా నిలపాలనే లక్ష్యంతో జరుగుతోంది.