నేను తెచ్చిన సమాచారం గగన్‌యాన్‌కు ఉపయోగం

అంతరిక్షం నుంచి భూమిని చూస్తే అద్భుతంగా అనిపించిందని భారత వ్యోమగామి కెప్టెన్‌ శుభాంశు శుక్లా తెలిపారు. ఐఎస్ఎస్‌ నుంచి కొన్ని ఫొటోలు తీసుకొచ్చామని చెప్పారు. ఈ మిషన్‌ కోసం మన శాస్త్రవేత్తలు ఎంతో కష్టపడ్డారన్నారు. అంతరిక్ష యానం కోసం చాలా శిక్షణ తీసుకున్నానని చెప్పారు. ఏడాదిగా ఈ మిషన్‌ కోసం ఎంతో సమాచారం సేకరించానని తెలిపారు. తాను సేకరించిన సమాచారం గగన్‌యాన్‌ మిషన్‌ కోసం పనికొస్తుందన్నారు. భారతీయుల కలలను నెరవేర్చడం గర్వకారణమన్నారు. అంతరిక్ష యానం కోసం శరీరాన్ని సిద్ధం చేసుకోవడం మరిచిపోలేని అనుభవమని శుభాంశు శుక్లా గుర్తు చేసుకున్నారు.