మరోసారి మొబైల్ రీచార్జిలపై వడ్డన

సెల్ ఫోన్ రీచార్జిల ధరలు పెరగనున్నాయా? గతేడాది తరహాలో మరోసారి వడ్డించనున్నారా అంటే అవుననే తెలుస్తోంది. గతేడాది రీఛార్జ్‌ ప్లాన్‌ ధరలను భారీగా పెంచిన మొబైల్ నెట్‌వర్క్‌ కంపెనీలు మరోసారి పెంపునకు సిద్ధమవుతున్నాయి. ఈ ఏడాది చివరికి దేశీయ టెలికాం సంస్థలు మొబైల్‌ టారిఫ్‌లను 10-12 శాతం పెంచే అవకాశం ఉన్నట్లు ఇండస్ట్రీ ఎగ్జిక్యూటివ్స్‌, మార్కెట్‌ విశ్లేషకులు అంచనా వేస్తున్నారు. యాక్టివ్‌ సబ్‌స్క్రైబర్లు పెరగడం, 5జీ సదుపాయాల నేపథ్యంలో ఈ పెంపు ఉండొచ్చు. గతేడాది జులైలో బేస్‌ రీఛార్జ్‌ ప్లాన్‌ల ధరలు సగటున 11-23శాతం పెరిగిన సంగతి తెలిసిందే. ఈ ఏడాది చివరికి మరో 10-12శాతం పెంచే అవకాశం ఉన్నట్లు విశ్లేషకులు అంచనా వేస్తున్నారు. డేటాను వినియోగించే నిర్దిష్ట సమయాల ఆధారంగా ఈ పెంపు ఉండొచ్చని తెలుస్తోంది.