కడప విమానాశ్రయంలో ఆక్టోపస్ మాక్ డ్రిల్

కడప విమానాశ్రయంలో ఆక్టోపస్ బృందం మాక్ డ్రిల్ నిర్వహించింది. ఉగ్రవాదులు విమానాశ్రయంపై దాడికి దిగితే, అటువంటి పరిస్థితిని ఎలా సమర్థవంతంగా ఎదుర్కోవాలో అర్ధం చేసుకునేందుకు OCTOPUS బృందం ఆధ్వర్యంలో ఈ డ్రిల్ చేపట్టారు. ఈ డ్రిల్‌కి ASP మూర్తి నేతృత్వం వహించారు. జిల్లా ఎస్పీ ఇ.జి అశోక్ కుమార్ ఆదేశాల మేరకు నిర్వహించిన ఈ సిమ్యులేషన్‌లో ఉగ్రదాడి సంభవించిన సందర్భంలో పోలీసు శాఖ, రెవెన్యూ, వైద్య, అగ్నిమాపక శాఖల సమన్వయ చర్యలను పరిశీలించారు. డ్రిల్లులో పోలీసులు, రెవెన్యూ అధికారులు, వైద్య సిబ్బంది, ఫైర్ డిపార్ట్మెంట్ అధికారులు పాల్గొన్నారు. ఈ మాక్ డ్రిల్ ద్వారా అత్యవసర పరిస్థితుల్లో విభిన్న విభాగాల మధ్య సమన్వయం, స్పందన వేగం, తక్షణ చర్యలపై స్పష్టత పెరిగిందని అధికారులు తెలిపారు