మహాశివుడికి నాగసాధువుల అభిషేకం

గుంటూరు జిల్లా తాడేపల్లి మండలం పెనుమాక గ్రామంలో మట్టి శివలింగంకు కార్తీ మాసం సందర్భంగా నాగ సాధువులతో వివిధ రకాల జలాలతో, పండ్లతో, భస్మంతో, పంచామృతాలతో అభిషేకం నిర్వహించారు. నాగ సాధువుల రాకతో ఆ ప్రాంతం అంత శివనామస్మరణతో మారుమోగింది. మేకా వెంకట శివారెడ్డి స్వామి సంకల్పంతో సుమారు 40 మంది నాగసాదువులు, వాయిద్యాలతో 50 నిమిషాల పాటు ఈ కార్యక్రమం నిర్వహించారు. విశేష సంఖ్యలో భక్తులు పాల్గొని హారహార హారహార నామంతో ప్రాంగణం మారుమోగిపోయింది. అనంతరం మేకా వెంకట శివారెడ్డి స్వామి 18 వ పడి పూజ కార్యక్రమం ఘనంగా నిర్వహించారు. అధిక సంఖ్యలో భక్తులు స్వామి వార్లను దర్శించుకున్నారు. మేకా వెంకట శివారెడ్డి స్వామి వచ్చిన భక్తులకు పలహార ఏర్పాట్లు చేశారు.