లోకేష్ అరుదైన ఘనత.. కవర్ పేజీపై కథనం

మంత్రి నారా లోకేష్ రాష్ట్రంలో కీలకంగా వ్యవహరిస్తున్న విషయం తెలిసిందే. వర్కింగ్ ప్రెసిడెంట్ గా అటు పార్టీ, మంత్రిగా ఇటు ప్రభుత్వ వ్యవహారాలను చక్కబెడుతున్నారు. ఈ నేపథ్యంలో ప్రముఖ పత్రిక ఫార్చ్యూన్ ఇండియా ఆగస్టు సంచిక కవర్ పేజీ పై లోకేష్ ఫొటోను ప్రచురించింది. “ఆంధ్రాస్ రైజింగ్ స్టార్: హౌ నారా లోకేష్ ఈజ్ పవర్ ప్యాకింగ్ ద స్టేట్స్ నెక్స్ట్ చాప్టర్” అనే శీర్షికతో ఈ ప్రత్యేక కథనాన్ని ప్రచురించింది. ప్రతిష్టాత్మక 40 అండర్ 40′ శ్రేణిలో భాగంగా లోకేష్‌ను ఏపీ ముఖ్య నాయకుడిగా హైలైట్ చేసింది. ఏపీకి పెట్టుబడులను రప్పించడంలో ఆయన చొరవను పత్రిక పేర్కొంది. ఫార్చ్యూన్ కథనం జాతీయస్థాయిలో పొలిటికల్ సర్కిళ్లలో చర్చనీయాంశంగా మారింది.