పింఛన్ అప్డేట్.. మే నుంచే కొత్త పింఛన్లు

రాష్ట్రంలో అర్హులందరికీ ఎన్టీఆర్ భరోసా పింఛన్లు అందించేందుకు ప్రభుత్వం సన్నాహాలు చేస్తోంది. కొత్త పింఛన్లపై సెర్ప్ శాఖ మంత్రి కొండపల్లి శ్రీనివాస్ కీలక అప్డేట్ ఇచ్చారు. రాష్ట్రంలో కొత్తగా 5 లక్షల మందిని అర్హులుగా గుర్తించామని, త్వరలోనే మంజూరు చేస్తామని ఆయన తెలిపారు. అయితే, 93 వేల మంది వితంతువులకు మే నెల నుంచి కొత్తగా పింఛన్లు అందజేయనున్నట్టు మంత్రి శ్రీనివాస్ వెల్లడించారు. రాష్ట్రంలో కొత్తగా దాదాపు 5 లక్షల మంది పింఛన్లకు అర్హులుగా గుర్తించినట్టు వివరించారు. వారందరికీ మే నెల నుంచి పింఛన్లను మంజూరు చేస్తామని పేర్కొన్నారు.