55W ఫాస్ట్ ఛార్జింగ్‌తో.. Vivo V70 సిరీస్‌లో కొత్త ఫోన్

Vivo తన V70 సిరీస్ ఫోన్లను త్వరలో విడుదల చేయబోతోంది. ఈ సిరీస్‌లో Vivo V70 FE 5G కూడా భాగమవుతుందని అంచనా వేస్తున్నారు. యూరోపియన్ సర్టిఫికేషన్ వెబ్‌సైట్‌లో Vivo V2550 మోడల్గా కనిపించిన ఈ ఫోన్, అధిక సామర్థ్యమైన 6,870mAh బ్యాటరీతో వస్తుంది. ఇది 55W ఫాస్ట్ ఛార్జింగ్ను సపోర్ట్ చేస్తుంది, ఒక్కసారి ఫుల్ ఛార్జ్ చేస్తే సుమారు 67 గంటల 21 నిమిషాల బ్యాటరీ బ్యాకప్ అందించగలదని అంచనా. ఫోన్‌లో IP68 రేటింగ్ ఉంది, దీని ద్వారా ధూళి, నీటి నుంచి రక్షణ ఉంటుంది. అలాగే, లెవల్ 4 స్క్రాచ్ రెసిస్టెన్స్, ఐదు సంవత్సరాల సాఫ్ట్‌వేర్ అప్‌డేట్స్ వంటి ఫీచర్లు ఈ ఫోన్‌కు ప్రత్యేకంగా ఉన్నాయి. రిపేరబిలిటీకి ‘C’ రేటింగ్ లభించడం వలన ఫోన్ మరమ్మతుల సందర్భంలో కొంత కష్టంగా ఉండొచ్చని సూచన. ఈ ఫోన్ త్వరలో భారత్, యూరోప్ మార్కెట్లలో లాంచ్ కానుందనే అంచనాలు ఉన్నాయి.