చురుక్కుమననున్న సిగరెట్.. ధరల షాక్!

సిగరెట్ కాల్చకుండానే నోరు చేదెక్కనుంది. న్యూ ఇయర్ వేళ సిగరెట్ ప్రియులకు షాక్ కొట్టే వార్త వచ్చింది. ఫిబ్రవరి 1 నుంచి సిగరెట్ ధరలు పెద్ద ఎత్తున పెరగనున్నాయి. సిగరెట్, బీడీ, పాన్ మసాలా వంటి పొగాకు ఉత్పత్తుల ధరలు భారీగా పెంచుతున్నట్లు కేంద్ర ప్రభుత్వం ప్రకటించింది. కేంద్ర ప్రభుత్వం తీసుకున్న తాజా పన్ను నిర్ణయాల వల్ల ఈ ఉత్పత్తులపై వినియోగదారులకు అదనపు భారం పడనుంది. పాన్ మసాలా, సిగరెట్లు, ఇతర పొగాకు సంబంధిత ఉత్పత్తులపై 40 శాతం జీఎస్టీ విధించనుండగా, బీడీలపై 18 శాతం జీఎస్టీ అమల్లోకి రానుంది.