అన్నమయ్య జిల్లా కలెక్టర్ గా నిశాంత్

అన్నమయ్య జిల్లా నూతన కలెక్టర్‌గా నిశాంత్ కుమార్ శుభారంభం చేశారు. ఆయనను పూర్ణ కుంభంతో ఘనంగా స్వాగతించారు. వీరభద్ర స్వామి దేవస్థాన ప్రధాన అర్చకులు కలెక్టర్‌కు శ్రద్ధతో స్వాగతం పలికారు. జిల్లా జాయింట్ కలెక్టర్ ఆదర్శ రాజేంద్రన్, ఇతర జిల్లా స్థాయి అధికారులు పుష్పగుచ్చాలతో కలెక్టర్‌కు హృదయపూర్వకంగా స్వాగతం అందించారు. బాధ్యతలు స్వీకరించిన అనంతరం, జిల్లా అభివృద్ధిపై సమగ్రంగా చర్చించేందుకు జిల్లా అధికారులతో సమీక్ష సమావేశాన్ని నిర్వహించారు. జిల్లా పురోగతి, సంక్షేమ కార్యక్రమాలు, ప్రజల సమస్యల పరిష్కారం పై చర్యలు తీసుకోవాలని ఆయన అధికారులకు సూచించారు.