నోకియా నుంచి బడ్జెట్ స్మార్ట్ ఫోన్ త్వరలో..

ఫిన్ ల్యాండ్‌కి చెందిన ప్రముఖ స్మార్ట్ ఫోన్ బ్రాండ్ అయిన హెచ్ఎండీ గ్లోబల్, తమ సరికొత్త బడ్జెట్ స్మార్ట్ ఫోన్ అయిన HMD Pulse 2 ని త్వరలో గ్లోబల్ మార్కెట్ లోకి విడుదల చేసే అవకాశం ఉన్నట్లు తెలుస్తుంది. ఇది గత ఏడాది విడుదలైన HMD Pulse స్మార్ట్ ఫోన్ కి అడ్వాన్స్డ్ వెర్షన్ గా రానుంది. అయితే ఈ స్మార్ట్ ఫోన్ ఇంకా గ్లోబల్ మార్కెట్ లోకి విడుదల కాకముందే, దీనికి సంబంధించిన ఫీచర్స్ ఆన్ లైన్ ప్లాట్ ఫారంలోకి లీక్ అవ్వడం జరిగింది. వీటి ప్రకారం, ఈ స్మార్ట్ ఫోన్ యూనీ ఎస్ఓసీ T7250 ప్రాసెసర్ తో పాటు 5000 ఎంఏహెచ్ బ్యాటరీ, 20 వాట్ ఛార్జింగ్ సపోర్ట్, 50 మెగా పిక్సల్ మెయిన్ కెమెరాతో అందుబాటులోకి వచ్చింది. అలాగే ఈ స్మార్ట్ ఫోన్ కేవలం 4 జీబీ ర్యామ్ + 128 జీబీ ఇంటర్నల్ స్టోరేజ్ వేరియంట్‌తో అందుబాటులోకి రానున్నట్లు తెలుస్తుంది. ఇక ఈ స్మార్ట్ ఫోన్ ధర విషయానికి వస్తే, ఇది మన దేశంలో సుమారు రూ. 12,000గా ఉండే అవకాశం ఉన్నట్లు లీకుల ద్వారా తెలుస్తుంది. ప్రస్తుతం ఈ స్మార్ట్ ఫోన్ కేవలం యూరోపియన్ దేశాలలో మాత్రమే అందుబాటులోకి వచ్చే అవకాశం ఉన్నట్లు తెలుస్తుంది.