ఎన్టీఆర్ వైద్యసేవకు బ్రేక్.. రేపటి నుంచి నిలిపివేత

పెండింగ్ బకాయిలు పేరుకుపోవడంతో ఎన్టీఆర్ వైద్య సేవకు బ్రేక్ పడనుంది. ఏపీలో ఎన్టీఆర్ వైద్య సేవలు ఈ నెల 10వ తేదీ నుంచి బంద్ కానున్నాయి. నెట్వర్క్ ఆసుపత్రులకు ఎన్టీఆర్ ట్రస్ట్ నుంచి బకాయిలు చెల్లించక పోవడంతో ఈ నిర్ణయం తీసుకున్నట్లు ఏపీ స్పెషాలిటీ ఆసుపత్రుల అసోసియేషన్ (ఆషా) తెలిపింది. రాష్ట్ర వ్యాప్తంగా ఆసుపత్రులకు రూ.2,700 కోట్లకు పైగా బకాయిలు ఉన్నాయని, అందుకే ఈ సేవలను నిలిపివేస్తున్నామని వారు ప్రకటించారు. ఈ మేరకు పత్రికా ప్రకటన విడుదల చేశారు.