గణేష్ మండపాలకు ఆన్‌లైన్ అనుమతులు

గుంటూరు జిల్లాలో వినాయక చవితి ఉత్సవాలను పురస్కరించుకుని గణేష్ మండపాల ఏర్పాటుకు 'సింగిల్ విండో విధానం’ ద్వారా అనుమతులు మంజూరు చేస్తున్నట్లు జిల్లా ఎస్పీ వకుల్ జిందాల్ తెలిపారు. అనుమతుల కోసం పోలీస్, అగ్నిమాపక, మున్సిపల్, విద్యుత్, రెవెన్యూ తదితర శాఖల నుంచి అవసరమైన అనుమతులను ఒకే చోట సులభంగా పొందే విధంగా https://ganeshutsav.net/ వెబ్‌సైట్ ద్వారా ఆన్‌లైన్‌లో దరఖాస్తు చేసుకునే సదుపాయం ఉందని తెలిపారు. ఆన్‌లైన్‌లో దరఖాస్తు చేసుకుని, సంబంధిత శాఖల నిబంధనలను పాటిస్తూ అనుమతులు పొందాలని సూచించారు. మండపాల ఏర్పాటులో నిర్వాహకులు కూడా బాధ్యతాయుతంగా వ్యవహరించాలని, అధికారులకు అవసరమైన సహకారం అందించాలని కోరారు. ఆన్‌లైన్ ద్వారా దరఖాస్తు చేసుకున్న ప్రతి గణేష్ మండపాన్ని స్వయంగా సందర్శించి క్షేత్రస్థాయిలో పరిశీలన చేయాలని ఎస్పీ ఆదేశించారు. మండపాల వద్ద విద్యుత్ వైరింగ్, విద్యుత్ కనెక్షన్లు, జనరేటర్లు, లైటింగ్ ఏర్పాట్లు తదితర అంశాల్లో నిర్లక్ష్యం లేకుండా చూడాలని అధికారులను ఆదేశించారు.