‘ఆపరేషన్ ట్రేస్' సక్సెస్

ఆంధ్రప్రదేశ్ పోలీసుశాఖ చేపట్టిన 'ఆపరేషన్ ట్రేస్' సత్ఫలితాలిచ్చింది. రాష్ట్రంలో బాలికల అదృశ్యం కేసులను ఛేదించేందుకు ఈ ఆపరేషన్ ప్రారంభమైంది. ఈ కార్యక్రమంలో భాగంగా నెలరోజుల్లో 670కేసులు ఛేదించగలిగారు. తప్పిపోయిన, అపహరణకు గురైన బాలికల ఆచూకీ కనిపెట్టి వారి కుటుంబసభ్యుల చెంతకు చేర్చారు. జులై 31 నాటికి ఈ తరహా 1,065కేసులు పెండింగ్లో ఉన్నట్లు గుర్తించిన DGP హరీష్ కుమార్ గుప్తా.. వారి ఆచూకీని కనిపెట్టేందుకు ఆగస్టు నెలంతా 'ఆపరేషన్ ట్రేస్' పేరిట స్పెషల్ డ్రైవ్ చేపట్టారు. అందులో భాగంగా మూడొంతుల కేసులను పరిష్కరించారు.