ఒప్పో నుంచి బడ్జెట్ ఫోన్!

ప్రముఖ మొబైల్ తయారీదారు ఒప్పో భారత మార్కెట్​లోకి కొత్త బడ్జెట్ స్మార్ట్‌ఫోన్‌ను విడుదల చేసింది. 'Oppo A5x 5G' ఫోన్​1000 నిట్స్ పీక్ బ్రైట్​నెస్, 120Hz రిఫ్రెష్ రేట్‌తో డిస్‌ప్లేను కలిగి ఉంది. ఇది 6000mAh బ్యాటరీతో పాటు ఫాస్ట్ ఛార్జింగ్ సపోర్ట్‌ కలిగి ఉంది. కంపెనీ ఈ ఫోన్​పై ప్రారంభ ఆఫర్లను కూడా ప్రకటించింది. 6.67-అంగుళాల LCD స్క్రీన్‌, f/1.8 ఎపర్చర్​తో 32MP మెయిన్ రియర్ కెమెరాను కలిగి ఉంది. దీనిలో రెండవ లెన్స్ డెప్త్ సెన్సార్‌తో వస్తుంది. సెల్ఫీలు, వీడియో కాలింగ్ కోసం 5MP ఫ్రంట్ కెమెరా ఉంది. ఈ ఫోన్‌లో ప్రాసెసర్ కోసం 6nm మీడియాటెక్ డైమెన్సిటీ 6300 చిప్‌సెట్​ను అందించింది. దీనితో పాటు ఇందులో 4GB LPDDR4x RAM, 128GB UFS 2.2 స్టోరేజ్ సదుపాయాలు అందుబాటులో ఉన్నాయి. ఇది 5G, డ్యూయల్ 4G VoLTE, Wi-Fi 5, బ్లూటూత్ 5.1, GPS, GLONASS, USB టైప్-C వంటి అనేక ప్రత్యేక ఫీచర్లతో వస్తుంది. AI ఎరేజర్ 2.0, రిఫ్లెక్షన్ రిమూవర్, AI అన్‌బ్లర్, AI క్లారిటీ ఎన్‌హాన్సర్ వంటి అనేక AI ఫీచర్లు కూడా అందించారు. ఈ ఫోన్ మిడ్‌నైట్ బ్లూ, లేజర్ వైట్ రెండు రంగుల్లో లభిస్తుంది. రూ.13,999లో ధరలో 4GB RAM, 128GB స్టోరేజ్ సౌకర్యం అందుబాటులో ఉంది.