ఒప్పో కొత్త స్మార్ట్ ఫోన్.. యాక్టివ్ కూలింగ్ ఫీచర్‌తో!

ప్రముఖ స్మార్ట్ ఫోన్ తయారీదారు ఒప్పో త్వరలో కొత్త మొబైల్‌ని లాంచ్ చేయనుంది. దాని పేరు ఒప్పో కే15 టర్బో ప్రో. ఈ కే-సిరీస్ స్మార్ట్‌ఫోన్‌కు సంబంధించిన అనేక ముఖ్యమైన స్పెసిఫికేషన్లు తాజాగా లీకయ్యాయి. ఈ హ్యాండ్‌సెట్‌లో 6.78 ఇంచ్ డిస్‌ప్లే, త్వరలో రాబోతున్న స్నాప్‌డ్రాగన్ 8 జెన్ 5 చిప్‌సెట్ ఉండే అవకాశం ఉందని అంచనాలు మొదలయ్యాయి. ఒప్పో కే15 టర్బో ప్రో గేమింగ్ దృష్టితో రూపొందించిన ఫోన్ అవ్వొచ్చు! గత జులైలో చైనాలో, ఆ తర్వాత నెల రోజులకే భారతదేశంలో విడుదలైన ఒప్పో కే13 టర్బో ప్రో కంటే ఇందులో బ్యాటరీ అప్గ్రేడ్ గణనీయంగా ఉండే అవకాశం ఉంది. ఇందులో స్నాప్‌డ్రాగన్ 8 జెన్ 5 ప్రాసెసర్ ఉంటుందని సమాచారం. ఒప్పో కే15 టర్బో ప్రోలో 1.5కే రిజల్యూషన్‌తో కూడిన 6.78 ఇంచ్ ఎల్టీపీఎస్ ఫ్లాట్ స్క్రీన్ ఉండే అవకాశం ఉంది. రౌండ్ కార్నర్స్తో కూడిన కొత్త డిజైన్ ఇందులో ఉండవచ్చని అంచనా.ఈ హ్యాండ్‌సెట్ వాటర్ అండ్ డస్ట్ రెసిస్టెన్స్ నిర్మాణాన్ని కలిగి ఉండవచ్చు. ముఖ్యంగా, ఇందులో యాక్టివ్ కూలింగ్ ఫీచర్ కూడా ఉండే అవకాశం ఉంది.