ముంబైకి పవన్ కల్యాణ్.. షూటింగ్ కాదు ట్రీట్మెంట్!

ఏపీ డిప్యూటీ సీఎం పవన్ కల్యాణ్ ముంబైకి వెళ్లనున్నారు. అయితే సినిమా షూటింగ్ కోసం కాదు. కొంతకాలంగా భుజాల నొప్పితో పవన్ బాధపడుతున్నారు. ఈ నేపథ్యంలో ఇటీవల ముంబైలోని కోకిలాబెన్ ఆస్పత్రిలో పవన్‌కు పరీక్షలు చేశారు. ఆ సమయంలో చికిత్స చేయించుకోవాలని పవన్‌కు వైద్యులు సూచించారు. ఈ నేపథ్యంలో రేపు సాయంత్రం పవన్‌కు చికిత్స చేయనున్నారు. అయితే ఈ రోజు సాయంత్రం జనసేన పార్టీ కీలక సమావేశం జరగనుంది. సమావేశానికి జనసేన ముఖ్యనేతలు హాజరు కానున్నారు. పవన్ ముంబై పర్యటనకు ముందు జనసేన కీలక సమావేశం జరగనుండటంతో ఆసక్తి నెలకొంది.