ఫోన్‌ ట్యాపింగ్‌ నిజమేనన్న పీకే

ఫోన్ ట్యాపింగ్ వ్యవహారంపై రాజకీయ వ్యూహకర్త ప్రశాంత్ కిశోర్ కీలక వ్యాఖ్యలు చేశారు. దేశంలో ఫోన్ ట్యాపింగ్‌ వాస్తవమేనని జన్‌సురాజ్‌ పార్టీ వ్యవస్థాపకుడు, బిహార్ ఎమ్మెల్యే ప్రశాంత్ కిశోర్‌ వ్యాఖ్యానించారు. కొన్నేళ్ల క్రితం పెగాసస్‌ వివాదం వెలుగులోకి వచ్చిన సమయంలో తన ఫోన్‌పైనా నిఘా ఉన్నట్లు తెలిసిందని చెప్పారు. పెగాసస్‌ లక్ష్యంగా చేసుకున్న వ్యక్తుల జాబితాలో తన పేరు కూడా ఉన్నట్లు బయటపడిందని వెల్లడించారు. ఫోన్‌ ట్యాపింగ్‌ కొంతకాలంగా జరుగుతోందని, ఈ విషయంపై ప్రజలకు అవగాహన కల్పించాల్సిన అవసరం ఉందని అభిప్రాయపడ్డారు.