పంజాబ్ నేషనల్ బ్యాంక్ నూతన శాఖ ప్రారంభం

పట్టణంలోని కళామందిర్ సెంటర్, గౌరీ శంకర్ టవర్స్‌లో పంజాబ్ నేషనల్ బ్యాంక్ (PNB) నూతన శాఖ ఘనంగా ప్రారంభమైంది. విజయవాడ సర్కిల్ డీజీఎం, సర్కిల్ హెడ్ కవితా ఫ్రాంక్ ముఖ్య అతిథిగా హాజరై ఈ శాఖను ప్రారంభించారు. ప్రజలు, రైతులు, వ్యాపారుల ఆర్థిక అవసరాలకు అనుగుణంగా నాణ్యమైన సేవలు అందిస్తామని, ఈ నూతన శాఖతో విజయవాడ సర్కిల్ పరిధిలో బ్రాంచ్‌ల సంఖ్య 82కి చేరిందని తెలిపారు. స్థానిక ప్రజలు ఈ బ్యాంకింగ్ సేవలను సద్వినియోగం చేసుకోవాలని బ్రాంచ్ హెడ్ పి. నారయ్య కోరారు. ఈ కార్యక్రమంలో ఏజీఎంలు రామనాథన్, సతీష్, యూనియన్ ప్రతినిధులు ధన్వంత్, స్థానిక ప్రముఖులు డాక్టర్ కొమ్మినేని వీర శంకర్, సాధినేని హనుమంత్ రావు, ఆదినారాయణ రెడ్డి, శిల్ప రెడ్డి తదితరులు పాల్గొన్నారు.