ప్రతి బస్తాకి క్యూ ఆర్ కోడ్ ట్యాగ్

రేషన్ మాఫియా అడ్డుకట్ట వేసేందుకు ప్రభుత్వం కీలక నిర్ణయం తీసుకుంది. రేషన్ ప్రతి బస్తాకి క్యూ ఆర్ కోడ్ ట్యాగ్ లు ఏర్పాటు చేయాలని ఆదేశించింది. అక్రమ రేషన్ పట్టుబడితే బస్తాలు క్యూ ఆర్ కోడ్ ట్యాగ్ తో ఎక్కడివనేది సులువుగా గుర్తించడం సాధ్యమవుతుంది. క్యూ ఆర్ కోడ్ విధానాన్ని పౌరసరఫరాల శాఖ కమిషనర్ కన్నబాబు పరిశీలించారు. రేషన్ పంపిణి చేసే ముందు బస్తాలను డీలర్లు స్కాన్ చేస్తారు. రాష్ట్రంలో అన్ని జిల్లాల్లో క్యూ ఆర్ కోడ్ విధానాన్ని ప్రభుత్వం అమలు చేయనుంది. ప్రజా పంపిణీలో కార్డు దారులకు పారదర్శకంగా బియ్యం అందించాలని ప్రభుత్వం నిర్ణయం తీసుకుంది.