ప్రీమియం లుక్‌తో Redmi Note 15 5G

స్మార్ట్ ఫోన్ సంస్థ రెడ్మీ, తమ సరికొత్త మిడ్ రేంజ్ 5జీ స్మార్ట్ ఫోన్ అయిన Redmi Note 15 5G ని భారత మార్కెట్లోకి విడుదల చేసింది. ఈ స్మార్ట్ ఫోన్ స్నాప్ డ్రాగన్ 6 జెన్ 3 ప్రాసెసర్ , 108 మాస్టర్ పిక్సెల్ మెయిన్ కెమెరా, 5520 mAh బ్యాటరీ, 45W ఫాస్ట్ ఛార్జింగ్ సపోర్ట్ వంటి ఫీచర్లతో విడుదలైంది. ఈ ఫోన్ 108 మెగా పిక్సెల్ కెమెరాని కలిగి ఉంది. ఇది మంచి క్వాలిటీతో ఎక్కువగా ఫొటోస్ తీసుకోవాలని భావించే వారికి ఉపయోగకరంగా ఉండనుంది. మరొకవైపు ఈ స్మార్ట్ ఫోన్ 8 జీబీ ర్యామ్ + 128 జీబీ ఇంటర్నల్ స్టోరేజ్, 8 జీబీ ర్యామ్ + 256 జీబీ ఇంటర్నల్ స్టోరేజ్ అనే రెండు వేరియంట్స్ లో విడుదల అయ్యింది. ఇందులో బేస్ వేరియంట్ అయిన 8 జీబీ ర్యామ్ + 128 జీబీ ఇంటర్నల్ స్టోరేజ్ ధరని రూ. 19,999 లుగా, అలాగే రెండవ వేరియంట్ అయిన 8 జీబీ ర్యామ్ + 256 జీబీ ఇంటర్నల్ స్టోరేజ్ ధరని రూ. 21,999 లుగా కంపెనీ నిర్ణయించింది.