ఈ సాలా కప్ ఆర్సీబీదే!

18 ఏళ్లుగా ఆర్సీబీ అభిమానులు ఏటా 'ఈ సాలా కప్ నమ్డే' అనుకుంటూ వస్తున్నారు. ఆ కల 2025 ఐపీఎల్ తో నెరవేరింది. IPL-2025 విజేతగా RCB అవతరించింది. అహ్మదాబాద్ లోని నరేంద్ర మోడీ స్టేడియంలో జరిగిన ఫైనల్ మ్యాచ్లో పంజాబ్ పై బెంగళూరు 6 పరుగుల తేడాతో విజయం సాధించింది. PBKS కెప్టెన్ అయ్యర్ (1) ఫెయిలవ్వడంతో మ్యాచ్ RCBపైపు తిరిగింది. చివర్లో శశాంక్ హాఫ్ సెంచరీతో చెలరేగినా ఫలితం లేకపోయింది. RCB బౌలర్లు భువనేశ్వర్, కృణాలు చెరో 2 వికెట్లతో సత్తా చాటారు. బ్యాటింగ్ లో కోహ్లి(43) రాణించారు. 18 ఏళ్ల IPL చరిత్రలో RCBకి ఇదే తొలి టైటిల్. దీంతో ప్రపంచ వ్యాప్తంగా ఆర్సబీ అభిమానులు ఆనందోత్సాహాలతో సంబరాలు జరుపుకున్నారు.