ఉచిత బస్సుకు ఆర్టీసి కసరత్తు!

ఎన్నికల ముందు టీడీపీ ప్రకటించిన మహిళలకు ఉచిత బస్సు ప్రయాణం హామీపై ప్రభుత్వం ఆదేశాలతో ఆర్టీసీ కసరత్తు ప్రారంభించింది. మహిళలకు ఉచిత బస్సు ప్రయాణ పథకాన్ని అమలు చేసేందుకు కూటమి ప్రభుత్వం సిద్ధమవుతోంది. ఆగస్టు 15న ఈ పథకాన్ని ప్రారంభిస్తామని ముఖ్యమంత్రి చంద్రబాబు ప్రకటించిన విషయం తెలిసిందే. ఆ రోజున ప్రారంభమయ్యే ఈ పథకానికి అనుగుణంగా మహిళా ప్రయాణికులను దృష్టిలో పెట్టుకుని బస్సుల్లో ప్రత్యేక ఏర్పాట్లు చేస్తున్నారు. ఈ మేరకు కడప ఆర్టీసీ జోన్ పరిధిలోని 8 జిల్లాలకు సంబంధించి జోనల్ వర్క్ షాపులో తొలుత 150 బస్సులకు మార్పులు చేస్తున్నారు. బస్సు మధ్యలో తలుపు ఏర్పాటు చేస్తున్నారు. అలాగే మహిళలు కూర్చునే సీట్లకు పసుపు రంగు వేస్తున్నారు.