ఆర్టీసీ బస్సుకు తృటిలో తప్పిన ప్రమాదం

అనంతపురం జిల్లా మడకశిరలో ఆర్టీసీ బస్సుకు ఘోర ప్రమాదం తప్పింది. గుడిబండ మండలంలో హిందూపురం డిపోకు చెందిన ఆర్టీసీ బస్సు మడకశిర మీదుగా కర్ణాటకలోని లింగదహళ్లికి వెళ్లి తిరిగి వస్తోంది. ఆ సమయంలో హఠాత్తుగా బైరేపల్లి వద్ద బస్సు వెనుక రెండు చక్రాలు ఊడిపోయాయి. ఈ ఘటనతో వాహనం ఒక్కసారిగా ఆర్టీసీ బస్సు నేలపై కూలిపోయింది. కాలం చెల్లిన బస్సులు నడపడం వల్లే ఈ ప్రమాదం చోటుచేసుకుందని ప్రయాణికులు ఆరోపించారు. ప్రయాణికులకు పెను ప్రమాదం తప్పింది. ఎవ్వరికి ఎటువంటి అపాయం జరగలేదు. అయితే ప్రయాణికులు తీవ్ర ఆందోళనకు గురయ్యారు.