వరంగల్ ఎయిర్పోర్తుకు యానిమల్ డైరెక్టర్ పేరు!

వరంగల్ ఎయిర్పోర్టు కొత్తగా నిర్మిస్తున్న నేపథ్యంలో పేర్లు సూచించాలని ప్రభుత్వం కోరింది. దీనిపై ప్రముఖ సినీ దర్శకుడు.. ఓరుగల్లు ముద్దుబిడ్డ సందీప్ రెడ్డి వంగ స్పందించారు. కాకతీయ రాజుల ముద్దుబిడ్డ రాణి రుద్రమదేవిని స్మరించుకునేలా- రుద్రమ ఇంటర్నేషనల్ ఎయిర్పోర్ట్ అని ఒక పేరు సూచించారు. అలాగే కాకతీయ రాజుల పరాక్రమాన్ని తెలియజేసేలా కాకతీయ ఇంటర్నేషనల్ ఎయిర్పోర్ట్ అని పెట్టొచ్చని సూచనలు చేశారు. ఈ రెండు పేర్లను సందీప్ సూచించదంపై "దట్ ఈస్ ది స్పిరిట్" అంటూ ముఖ్యమంత్రి రేవంత్ రెడ్డి అభినందించారు. 'సందీప్ - ప్రభాస్' ప్రాజెక్ట్ స్పిరిట్ ప్రస్తుతం షూటింగ్ దశలో ఉన్న నేపథ్యంలో 'స్పిరిట్' పదాన్ని ప్రస్తావిస్తూ సందీప్ సీఎంకు థాంక్స్ చెప్పారు. అలాగే పలువురు ప్రముఖులు కాళోజీ పేరు పెట్టొచ్చని, భద్రకాళి ఆలయాన్ని స్ఫురింపచేసేలా అమ్మవారు 'భద్రకాళి ఎయిర్ పోర్టు' అని పెట్టాలని సూచిస్తున్నారు.