ఢిల్లీలో భారీగా పెరిగిన వాయు కాలుష్యం

దీపావళికి ముందు కాలుష్య స్థాయిలు పెరగడంతో ప్రభుత్వం ఢిల్లీ-ఎన్‌సిఆర్‌లో GRAP స్టేజ్-II ఆంక్షలు విధించింది. కమిషన్ ఫర్ ఎయిర్ క్వాలిటీ మేనేజ్‌మెంట్ (CAQM) దేశ రాజధాని, దాని ప్రక్కనే ఉన్న NCR ప్రాంతంలో గ్రేడెడ్ రెస్పాన్స్ యాక్షన్ ప్లాన్ రెండవ దశను అమలు చేస్తున్నట్లు ప్రకటించింది. దేశ రాజధానిలో వాయు నాణ్యత సూచిక (AQI) 302 (చాలా పేలవంగా)కి పడిపోయిన తర్వాత ఈ నిర్ణయం తీసుకుంది. IMD/IITM అంచనా ప్రకారం రాబోయే రోజుల్లో AQI మరింత క్షీణించే అవకాశం ఉందని తన నోటిఫికేషన్‌లో కమిషన్ ఫర్ ఎయిర్ క్వాలిటీ మేనేజ్‌మెంట్ తెలిపింది. దేశ రాజధానిలోని 38 పర్యవేక్షణ కేంద్రాలలో, 12 గాలి నాణ్యత "చాలా పేలవమైన" పరిధిలో ఉందని నివేదించింది. ఆనంద్ విహార్ 430 వద్ద అత్యధిక AQIని నమోదయింది. తరువాత వజీర్‌పూర్ (364), వివేక్ విహార్ (351), ద్వారక (335), మరియు RK పురం (323) ఉన్నాయి.