మొదలైన శ్రావణ సందడి

ఆషాఢ మాసం ముగిసి శ్రావణ మాసం మొదలైంది. ఈ మాసమంతా ఉదయాన్నే తలస్నానం చేసి, ఇంటిని శుభ్రం చేసి, గుమ్మాలకు పసుపు, కుంకుమ, తోరణాలు కట్టుకోవాలని పండితులు సూచిస్తున్నారు. పూజా మందిరాన్ని అలంకరించి గణపతి, శివుడు, లక్ష్మీ దేవిని పూజించాలని, శివాలయంలో రుద్రాభిషేకం లేదా జలాభిషేకం చేయాలని పేర్కొంటున్నారు నిత్యం ఉదయం, సాయంత్రం తులసి కోట వద్ద, దేవుడి గదిలో దీపం వెలిగించడం వల్ల ఇంట్లో ప్రశాంతత ఉంటుందని వివరిస్తున్నారు. మాంసాహారానికి దూరంగా ఉండి తేలికపాటి ఆహారం తీసుకోవాలని సూచిస్తున్నారు. ఈ మాసంలో రెండో శుక్రవారం వరలక్ష్మీ వ్రతం జరుపుకొంటారు.