ప్లాస్టిక్ వద్దు.. స్వచ్ఛాంధ్ర ముద్దు: సీఎస్

పర్యావరణానికి హాని కలిగించే ప్లాస్టిక్ వస్తువుల నిషేధానికి కఠిన చర్యలు తీసుకోవాలని ఏపీ ప్రభుత్వ ప్రధాన కార్యదర్శి విజయానంద్ అధికారులను ఆదేశించారు. రాష్ట్రవ్యాప్తంగా ప్రతి మూడో శనివారం ప్రభుత్వ కార్యాలయాలు, ఇతర ప్రాంతాల్లో స్వచ్ఛాంధ్ర దివస్ నిర్వహించాలని సూచించారు. స్వర్ణాంధ్ర - 2047 లక్ష్యంతో ప్రతి ఒక్కరూ పనిచేయాలన్నారు. చేనేత, జౌళి శాఖలు, MSMEల భాగస్వామ్యంతో పర్యావరణ హితమైన వస్తువుల తయారీని ప్రోత్సహించాలని పేర్కొన్నారు. ప్లాస్టిక్ రహితంగా చేయడం ద్వారా రాష్ట్రాన్ని పర్యావరణ హితంగా చేయవచ్చని సూచించారు. ప్లాస్టిక్ దుష్ర్పభావంపై అవగాహన కల్పించాలని కోరారు.