స్వర్ణ నారావారి పల్లె తరహాలో స్వర్ణ చంద్రగిరి

తిరుపతి జిల్లాలోని చంద్రగిరి మండలాన్ని అభివృద్ధి నమూనాగా తీర్చిదిద్దేందుకు స్వర్ణ చంద్రగిరి ప్రణాళికల్ని సీఎం చంద్రబాబు ప్రకటించారు. స్వర్ణ కుప్పం, నారావారి పల్లె తరహాలోనే సుస్థిరాభివృద్ధి లక్ష్యాన్ని సాధించేందుకు వీలుగా సీఎం ఈ ప్రణాళికల్ని అమలు చేయాలని అధికారులను ఆదేశించారు. చంద్రగిరి మండలంలో ప్రజల జీవన ప్రమాణాలు పెంచేలా ఈ అభివృద్ధి ప్రణాళికల్ని అమలు చేయనున్నారు. దీనికి సంబంధించి స్థానిక ప్రజాప్రతినిధులు, నేతలతో సీఎం చంద్రబాబు సమావేశం నిర్వహించారు. స్వర్ణ చంద్రగిరిగా తీర్చిదిద్దుతామని ప్రకటించారు.