ఏపీలో గర్భిణులకు శుభవార్త.. ఎన్టీఆర్ బేబీ కిట్లు రెడీ!

ఏపీలో గర్భిణులకు ప్రభుత్వం శుభవార్త చెప్పింది. ఎన్టీఆర్ బేబీ కిట్ల కోసం రూ. 51 కోట్ల 14 లక్షల 77 వేలు నిధులు విడుదల చేసింది. ఒక్కో కిట్‌కు రూ. 1410/- ఖర్చు పెట్టనుంది. ఏపీ ప్రభుత్వం ఎన్టీఆర్ బేబీ కిట్ పేరుతో ప్రభుత్వ ఆస్పత్రులలో ప్రసవం అయిన తల్లులకు కిట్లు అందించనుంది. 2016లో ఈ ఎన్టీఆర్ బేబీ కిట్ పథకం ప్రారంభించగా.. 2019 తరువాత వైసీపీ ప్రభుత్వంలో నిలిచిపోయింది. బేబీ కిట్ పథకంలో దోమతెర, దుప్పటి, స్లీపింగ్ బెడ్, యాంటీసెప్టిక్ లోషన్‌తో పాటుగా నాప్‌కిన్, డైపర్లు, షాంపూ వంటి 11 రకాల సామగ్రి ఉంటుంది. ఈ కిట్‌లు ప్రభుత్వ ఆసుపత్రుల్లో ప్రసవించిన తల్లులకు, ఆసుపత్రి నుంచి డిశ్చార్జ్ అయ్యే సమయంలో ఉచితంగా అందజేస్తారు