టాలీవుడ్‌లో వారం రోజులుగా సమ్మె

టాలీవుడ్ లో కార్మికుల సమ్మె కొనసాగుతోంది. ఫిల్మ్ ఫెడరేషన్ నాయకులతో ఫిల్మ్ ఛాంబర్ జరిపిన చర్చలు విఫలం కావడంతో సమ్మె కొనసాగిస్తున్నారు. కృష్ణానగర్‌లో ఇవాళ సినీ కార్మికులు నిరసన కార్యక్రమం చేపట్టారు. ఈ నిరసనలో 24 క్రాఫ్ట్ విభాగాల సభ్యులు పాల్గొన్నారు. టీజీ విశ్వప్రసాద్ తీరుపై నిరసన వ్యక్తం చేయడంతోపాటు, భవిష్యత్ కార్యాచరణను ఫెడరేషన్ ప్రకటించనుంది. నిర్మాతలు సూచించిన పర్సెంటేజీ విధానాన్ని అంగీకరించలేదు. నిర్మాతలు యూనియన్లను విడగొట్టే ప్రయత్నం చేస్తున్నారని ఫెడరేషన్ ఆరోపణ చేసింది.