నేడు టీటీడీ పాలకమండలి భేటీ!

తిరుమల తిరుపతి దేవస్థానం పాలకమండలి సమావేశం నేడు జరగనుంది. మధ్యాహ్నం 12 గంటలకు టీటీడీ ఛైర్మన్ బీఆర్ నాయుడు అధ్యక్షతన భేటీ కానుంది. శ్రీవారి వార్షిక బ్రహ్మోత్సవాల ఏర్పాట్లు, గరుడ వాహన సేవపై చర్చ జరపనుంది. ఈ నెల 24 నుంచి అక్టోబర్ 2 వరకు శ్రీవారి బ్రహ్మోత్సవాలు జరుగుతాయి. ఈ నెల 24న ప్రభుత్వం తరపున సీఎం చంద్రబాబు దంపతులు శ్రీవారికి పట్టువస్త్రాలు సమర్పిస్తారు. ఈ సందర్భంగా భక్తుల రద్దీ నేపథ్యంలో చేయాల్సిన ఏర్పాట్లపై సమావేశంలో చర్చ జరుపనున్నారు. మరికొన్ని అంశాలపై చర్చించి టీటీడీ బోర్డు తీర్మానం చేయనుంది.