సీబీఐ అధికారుల విచారణకు దళపతి

తమిళ నటుడు, టీవీకే అధినేత విజయ్ దళపతి సీబీఐ అధికారుల ముందు విచారణకు హాజరయ్యారు. సుమారు 6 గంటల పాటు విజయ్ ను సీబీఐ విచారించింది. విచారణలో ఈ కింది అంశాలపై స్పష్టమైన డాక్యుమెంట్లు, వివరాలు కోరినట్లు సమాచారం. అలాగే కార్యక్రమానికి తీసుకున్న అన్ని అధికారిక అనుమతులపై ప్రశ్నించారు. సభకు అంచనా వేసిన హాజరు, నియంత్రణ ప్రణాళికలపై ప్రశ్నలు సంధించారు. పోలీస్, జిల్లా యంత్రాంగంతో జరిగిన సమన్వయంపైనా అడిగారు. అలాగే సభకు సంబంధించి తీసుకున్న భద్రతా ఏర్పాట్ల పూర్తి వివరాలు తెలపాలన్నారు. ఆహారం, నీరు, ఇతర ఏర్పాట్ల వ్యయాలకు సంబంధించిన డాక్యుమెంట్లు అందించాలని సూచించారు. మొత్తం మీద, ఈవెంట్ ప్లానింగ్ నుంచి అమలు వరకూ ప్రతి అంశంపై స్పష్టత కోరుతూ TVK చీఫ్ విజయ్ కు CBI ప్రశ్నలు సంధించినట్లు తెలుస్తోంది.