1.84 లక్షల కోట్లు బ్యాంకుల్లో..!

దేశంలో 1.84 లక్షల కోట్ల డబ్బు బ్యాంక్ డిపాజిట్లు, బీమా, ప్రావిడెండ్ ఫండ్, షేర్లు ఇలా వివిధ రూపాల్లో అన్ క్లెయిమ్ నగదు ఉందని కేంద్ర ఆర్ధిక మంత్రి నిర్మలా సీతారామన్ చెప్పారు. ఈ మొత్తాలను అర్హులైన వారికి చేరేలా అధికారులు ఈ మూడు నెలల్లో అన్ని ప్రయత్నాలు చేయాలని సూచించారు. సరైన పత్రాలు సమర్పించి నగదు పొందాలని ఆమె కోరారు. ఈ సొమ్ముకు ప్రభుత్వం కస్టోడియన్ గా వ్యవహరిస్తోందన్నారు. అన్ క్లెయిమ్ డిపాజిట్ల కోసం ఆర్బీఐ ఒక పోర్టల్ ను రూపొందించిందని చెప్పారు. ఈ పోర్టల్ ద్వారా పౌరులు తమకు చెందిన నగదును క్లెయిమ్ చేసుకునేలా అవగాహన కల్పించాల్సిన బాధ్యత బ్యాంక్లపై ఉందన్నారు. అవసరమైతే గ్రామాల్లోనూ బ్యాంక్లు ప్రచారం నిర్వహించాలని ఆర్థిక మంత్రి నిర్మలాసీతారామన్ కోరారు.