ఖైరతాబాద్ గణేశుడి శోభాయాత్రకు అమిత్ షా

ప్రపంచ ప్రసిద్ధిగాంచిన ఖైరతాబాద్ వినాయకుడి శోభాయాత్రకు కేంద్ర హోంమంత్రి అమిత్ షా హాజరు కానున్నారు. సెప్టెంబర్ 6వ తేదీన హైదరాబాద్ చేరుకొని ఐటీసీ కాకతీయ హోటల్లో బీజేపీ ముఖ్యనేతలతో సమావేశం నిర్వహించనున్నారు. మధ్యాహ్నం 3 గంటలకు ఎంజే మార్కెట్ ప్రాంతంలో వినాయకుడి శోభాయాత్రలో పాల్గొని, ప్రసంగించనున్నారు. ఈ మేరకు ఇప్పటికే తెలంగాణ ప్రభుత్వానికి, బీజేపీకి సమాచారం అందింది. అమిత్ షా రాక నేపథ్యంలో పోలీస్ యంత్రాంగం పటిష్ట బందోబస్తు నిర్వహిస్తోంది.