'అన్న క్యాంటీన్'లో కేంద్ర మంత్రి.. భోజనం బాగుంది!

కేంద్ర మంత్రి రామ్మోహన్ నాయుడు 'అన్న క్యాంటీన్'లో భోజనం చేశారు. శ్రీకాకుళం జిల్లా కోటబొమ్మాళి మండలం కొత్తపేటలో 'ప్రజా దర్బార్' కార్యక్రమంలో పాల్గొనడానికి రామ్మోహన్ నాయుడు విచ్చేశారు. ఈ నేపథ్యంలో అక్కడే ఉన్న 'అన్న క్యాంటీన్'లో స్థానికులతో కలసి మధ్యాహ్న భోజనం చేశారు. తొలుత 'అన్న క్యాంటీన్'కు చేరుకుని స్థానికులకు భోజనాలను వడ్డించారు. అనంతరం స్థానికులతో కలసి ఆయన కూడా సామాన్యుడిలా ప్లేట్ పట్టుకుని భోజనం చేశారు. ఈ సందర్భంగా, అక్కడి వారిని భోజనం నాణ్యత, పరిసరాల శుభ్రత గురించి అడిగి తెలుసుకున్నారు.