వరి నారుతో రేవంత్‌ రెడ్డి చిత్రం

తెలంగాణ ముఖ్యమంత్రి రేవంత్‌ రెడ్డి పుట్టినరోజుకు స్పెషల్ గిఫ్ట్ అందింది. కాంగ్రెస్ నేత మెట్టు సాయికుమార్‌ వినూత్న రీతిలో శుభాకాంక్షలు తెలిపారు. పొలంలో వరి నారుతో ముఖ్యమంత్రి చిత్రపటాన్ని రూపొందించారు. ఈ నెల 8న సీఎం పుట్టినరోజు నేపథ్యంలో ఈ ప్రత్యేక చిత్రాన్ని ఏర్పాటు చేశారు. రైతులు వరి నారును ఉపయోగించి సీఎం రూపాన్ని పొలంలోనే తీర్చిదిద్దారు. ఈ చిత్రం కోసం సుమారు 20 రోజుల పాటు శ్రమించారు. ముఖ్యమంత్రి రైతు రుణమాఫీ చేయడంతో ఆయనపై తమకున్న అభిమానాన్ని ఈ విధంగా చాటుకున్నారు. పొలంలో ప్రత్యేకంగా చిత్రపటాన్ని ఏర్పాటు చేసి రేవంత్‌ రెడ్డికి జన్మదిన శుభాకాంక్షలు తెలిపారు.