విశాఖకు ఆ రోజే ఆఖరు.. తర్వాత భోగాపురం నుంచే!

విశాఖ విమానాశ్రయానికి ప్రత్యామ్నాయంగా విజయనగరం జిల్లా భోగాపురంలో నిర్మించిన అల్లూరి సీతారామరాజు అంతర్జాతీయ విమానాశ్రయం ఆగస్టు 1న ప్రధాని మోదీ చేతుల మీదుగా ప్రారంభం కానుంది. ఆగస్టు 17 అర్ధరాత్రి 00:01 గంటల నుంచి విమాన రాకపోకలు ప్రారంభమవుతున్నాయి. ఈ నేపథ్యంలో విశాఖపట్నం విమానాశ్రయం నుంచి షెడ్యూల్ విమానాలను నిలిపేస్తున్నట్లు పౌరవిమానయానశాఖ ప్రకటించింది. 30 ఏళ్లపాటు సేవలందించిన విశాఖపట్నం ఎయిర్పోర్ట్ 17 నుంచి షెడ్యూల్డ్ కమర్షియల్ విమానాల రాకపోకలను నిలిపేస్తుంది. అత్యవసర పరిస్థితుల్లో ఈ నిబంధనకు మినహాయింపు ఉంటుంది. అలాగే విశాఖకు ఉన్న ట్రావెల్ కోడ్ ‘వీటీజడ్’ కూడా ఇకపై భోగాపురానికి వర్తించనుంది.