చికెన్, మటన్లలో ఏది మంచిది?

చికెన్ తింటే మంచిదా? లేక మటన్ తింటే చక్కెర స్థాయిలు పెరుగుతాయా? అనే దానిపై ఆరోగ్య నిపుణులు షుగర్ వ్యాధిగ్రస్తుల కోణంలో ఏం చెబుతున్నారో చూద్దాం. మటన్లో ఐరన్, జింక్, విటమిన్ బి12 వంటి పోషకాలు ఉన్నప్పటికీ మధుమేహ వ్యాధిగ్రస్తులకు ఇది కొన్ని ఇబ్బందులను కలిగిస్తుంది. మటన్‌లో కొవ్వు శాతం ఎక్కువగా ఉంటుంది. ఇది శరీరంలో ఇన్సులిన్ నిరోధకతను పెంచుతుంది. రెడ్ మీట్ అధికంగా తీసుకోవడం వల్ల గుండె సమస్యలు వచ్చే ప్రమాదం ఉంది. మధుమేహ వ్యాధిగ్రస్తులు మటన్‌ను పూర్తిగా మానేయాల్సిన పనిలేదు కానీ మితంగా తీసుకోవడం ఉత్తమం. మటన్‌తో పోలిస్తే చికెన్ షుగర్ వ్యాధిగ్రస్తులకు మంచి ఎంపిక అని వైద్యులు చెబుతున్నారు. చికెన్‌లో ప్రోటీన్లు ఎక్కువగా, కొవ్వు తక్కువగా ఉంటుంది. చికెన్ తిన్నప్పుడు రక్తంలో చక్కెర స్థాయిలు అకస్మాత్తుగా పెరగవు. ఇది కడుపు నిండిన అనుభూతిని కలిగిస్తుంది, తద్వారా ఇతర కార్బోహైడ్రేట్లు తీసుకోకుండా నియంత్రిస్తుంది.