వరల్డ్ కప్ ఫీవర్ వచ్చేస్తోంది.. 1న షెడ్యూల్

క్రీడాభిమానులకు పండుగ ఫీవర్ వచ్చేస్తోంది. అక్టోబర్ 1న ఐసీసీ, క్రికెట్ సౌతాఫ్రికా కలిసి 2027 వన్డే వరల్డ్ కప్ షెడ్యూల్‌ను విడుదల చేయనున్నాయి. ఈ టోర్నమెంట్ అక్టోబర్ 25 నుంచి నవంబర్ 21 వరకు జరగనుంది. సరిగ్గా ఏడాది ముందు షెడ్యూల్‌ను ప్రకటించడం విశేషం. ఈ వరల్డ్ కప్‌లో మొత్తం 14 జట్లు పాల్గొంటాయి. భారత్ సహా సౌతాఫ్రికా, న్యూజిలాండ్, పాకిస్తాన్, ఆస్ట్రేలియా, ఇంగ్లాండ్, శ్రీలంక, ఆఫ్ఘనిస్తాన్, బంగ్లాదేశ్ ఇప్పటికే అర్హత సాధించాయి. మిగిలిన జట్లు క్వాలిఫయర్స్ ద్వారా చోటు దక్కించుకోనున్నాయి. ఇక క్రికెట్ వీరాభిమానులు స్క్రీన్లకు అతుక్కుపోనున్నారు.